مسلم اقلیتیں: مسائل اور تجاویز حالات زمانہ کے پس منظر میں (فقہ الاقلیات کا اردو ترجمہ)

ہمارے لیے یہ انتہائی خوش بختی کی بات ہے کہ ہم مرحوم یوسف القرضاوی صاحب کی کتاب اپنے محبوب ادارے پاریکھ بک ڈپو سے شائع کرنے کی سعادت حاصل کر رہے ہیں۔
یہ ایک دیرینہ خواہش تھی، غالباً 2005 یا 2003 میں یہ کتاب مطالعہ میں آئی تھی، اول اور آخر کتاب جو ہم نے پی ڈی ایف میں پوری پڑھی تھی، اس وقت مکتبہ کا وجود عمل میں نہیں آیا تھا اور غالباً دور دور تک ارادہ بھی نہیں تھا کسی کتب خانہ کے قیام کا، اس وقت شدید خواہش پیدا ہوئی تھی کہ کاش یہ کتابی شکل میں شائع ہوتی، 2016 میں جب مکتبہ کا قیام عمل میں آیا تو اس وقت زیادہ تر دیگر ناشرین کی کتابوں کے فروخت کا کام تھا، 2017 میں استاد محترم مولانا علاء الدین ندوی اور عزیز دوست بھائی طارق ایوبی کی تین کتابوں کی اشاعت کے بعد یہ خواہش پھر سے دل میں پیدا ہوئی کہ اپنے محسن و مربی علامہ یوسف القرضاویؒ کی مذکورہ کتاب شائع کریں، 2018 کے اوائل میں ہم نے اپنے عزیز دوست مولانا الیاس نعمانی سے اس سلسلے میں رابطہ کیا، ہم ان کے شکر گزار ہیں کہ ہمیں اس انتہائی اہم موضوع پر مشتمل کتاب کی اشاعت کی نہ صرف اجازت دی بلکہ ہماری خواہش پر اس اشاعت کے لیے چند سطریں بھی تحریر کیں، لیکن سرمایہ کی قلت سے کام ادھورا رہ گیا، ہزار کی تعداد میں سرورق کی طباعت کے آگے کام نہ بڑھ سکا، بھلا ہو ڈیجیٹل پرنٹنگ ایجاد کرنے والوں کا کہ جن کی بدولت ہم کتاب کے چند نسخے نکال کر پبلشر کی لسٹ میں اپنا نام لکھوا سکتے ہیں۔
یہ کتاب ڈیجیٹل پرنٹنگ یعنی عند الطلب طباعت کے طرز پر ہی شائع کی گئی ہے اس وجہ سے قیمت ذرا زیادہ ہے، لیکن موضوع کی اہمیت کے پیش نظر ہم اس مسئلہ کو پس پشت ڈالنے پر مجبور ہیں، ہم جانتے ہیں کہ کہ کتاب پڑھنے والوں کے لیے روپے کوئی معنی نہیں رکھتے، اور پھر ہم چونکہ برائے مطالعہ بھی کتابیں دیتے ہیں، اس وجہ سے ہمیں خود اس کی قیمت کے زیادہ ہونے کی فکر نہیں ہے کہ شائقین کتب ہمارے مکتبہ سے یہ کتاب برائے مطالعہ بھی حاصل کرسکتے ہیں، اور شاید انٹرنیٹ پر اس کی سافٹ کاپی یعنی پی ڈی ایف بھی موجود ہے۔
بہرحال بات ذرا لمبی ہوگئی، کتاب آپ کے سامنے ہے آپ جس طرح چاہیں اس سے استفادہ کریں، لیکن ضرور کری۔
نام کتاب: مسلم اقلیتیں: مسائل اور تجاویز: حالات زمانہ کے پس منظر میں (فقہ الاقلیات کا اردو ترجمہ)
صفحات: 284 (غیر مجلد)